sábado, 5 de janeiro de 2013

Reportaxe de Montse Mayoral: Sobre o desemprego nas comarcas despois de que a Administración dera a coñecer os datos

Decembro anota outra subida do paro e pecha un ano pésimo para Ferrolterra

O 2012 que acaba de terminar foi un ano pésimo para o emprego en Ferrolterra. As tres comarcas anotáronse un incremento no número de parados do 10,49%, moi superior ao do 7,96% que rexistrou a comunidade galega e un punto por encima da subida do 9,64% que se produciu en España. É o peor dos últimos tres anos "a subida foi do 6 e o 7% en 2011 e 2010, respectivamente" e só está por baixo, porcentualmente, do exercicio 2008, cando o número de demandantes disparouse ao alza un 11%.


En términos absolutos, os vinte concellos que forman as comarcas de Ferrol, Eume e Ortegal contaban á pechadura de decembro con 1.944 persoas desempregadas máis que na mesma data de 2011. Ademais, termina o ano cun novo máximo histórico para a zona, 20.465 parad@s, logo de cinco meses continuados de incremento. A comarca do Eume experimentou a peor evolución en términos interanuais. No conxunto dos seus cinco concellos o paro creceu un 15,51%, mentres que nos de Ferrol o aumento foi do 10,07% e en Ortegal, do 6,2%.

Con respecto ao mes de novembro, decembro marcou un incremento do 0,38% nas tres comarcas. En términos absolutos, a conta das demandantes de emprego aumentou unicamente en 79 persoas, unha cifra inferior aos 158 e 111 persoas desempregadas que se anotaron no antigo INEM durante o último mes dos dous anos anteriores. É o único sinal de mellora nunha pechadura de ano no que Galicia converteu-se na comunidade con maior incremento do paro, un 0,81% respecto ao mes anterior, fronte ao descenso, do 1,20%, do desemprego no conxunto do Estado.

Só seis dos vinte municipios da zona experimentaron algún descenso no número de desempregadas. Foi o caso de Monfero, Cedeira, Ferrol, Mugardos, As Somozas e Valdoviño. Por comarcas, o aumento intermensal foi maior en Ortegal, seguida do Eume.

Do total de persoas paradas da zona, 10.361 son mulleres "un 6,1% máis que fai un ano" e 10.104 homes "un 15,38% máis". Nas tres comarcas hai, por outra banda, 1.340 demandantes de emprego menores de 25 anos, que representan o 6,54% do total.

Fonte: Reportaxe de Montse Mayoral publicado no Diario de Ferrol | 4 Xaneiro 2013

|||||||||||||||

Nenhum comentário:

Postar um comentário